Rayonun xidməti əraziləri üzrə mövcud qazanxanaların fəaliyyətinə nəzarət məqsədilə reyd-baxışlar keçirilir

“2016-2017-cı illərin payız-qış mövsümündə rayonun küçə, səki, məhəllədaxili ərazi  və yollarının qardan vaxtında təmizlənməsi, ictimai nəqliyyatın hərəkətinin nizamlanması, qaz, su, istilik və elektrik enerjisi ilə təchiz edilməsi ilə əlaqədar tədbirlər haqqında” Binəqədi Rayon İcra Hakimiyyəti başçısının 30  sentyabr  2016-cı il tarixli 208 saylı sərəncamından irəli gələn vəzifələrin icrası  ilə bağlı  xidməti ərazilər üzrə mövcud qazanxanaların fəaliyyətinə nəzarət məqsədilə reyd-baxışlar davam etdirilir.
1 dekabr tarixində Binəqədi Rayon İcra Hakimiyyəti başçısının birinci müavini İlqar Süleymanov, Sakinlərin Müraciəti Xidmətinin (16-46)  rəisi Anar Səfərov, MKTB-nin rəisi Azər Məmmədov, 3 saylı İstilik Sistemləri İstismar İdarəsinin rəisi  Rövşən Tağıyev, aidiyyəti MKİS-lərin rəhbərləri  ilə 3 saylı Rayon İstilik Qazanxana , 3 saylı İ.S.İ.S 7-ci mikrorayon, 3123-cü məhəllə, 3 saylı istilik məntəqəsi, 3 saylı İ.S.İ.S. 8-ci mikrorayon, 4 saylı  İstilik məntəqəsi, 3 saylı İ.S.İ.S  8-ci mikrorayon, 3123-cü məhəllə, 3 saylı  istilik məntəqəsi, 3 saylı İ.S.İ.S. 8-ci mikrorayon, məhəllə 3022-76-78,(S.Bəhlulzadə 5), 1 saylı istilik məntəqəsi, 3 saylı İ.S.İ.S, 3077-ci məhəllə, Z.Bünyadov 21, 1 saylı məntəqədə oldular və  qazanxanalara baxış keçirdilər.
Keçirilən reydlərdə məqsəd qazanxanaların fasiləsiz fəaliyyətinin təmin edilməsi üçün  lazım olan bütün texniki şərtlərin vacibliyi, eləcə də qaz, su, istilik və elektrik enerjisi ilə təchiz edilməsi tədbirlərinin keyfiyyətlə həyata keçirilməsi məqsədilə  bütün  mümkün olan vasitələrdən  maksimum istifadə edilməsidir.
Hazırda 2016-2017-ci illərin payız-qış mövsümünə  hazırlıq  işləri ilə bağlı sərəncamdan irəli gələn digər məsələlər müvafiq tədbirlər planı üzrə icra olunur.